ҺАВА ТОРЫШЫ -7 oC

Яңалыклар

барлык хәбәрләр Татарстан Россия

Хәвеф-хәтәр

Тугыз яшьлек малайның телефонын үзләштергән Казан кешесе кулга алынган

6 ноябрь 2018, 15:19

Элек хөкем ителгән 25 яшьлек ир-ат үз корбанын махсус карап торганлыгын әйткән.

(Казан, 6 ноябрь, “Татар-информ”). Казанда мәктәп янында тугыз яшьлек малайның телефонын алган 25 яшьлек Казан кешесен СИЗОга озатканнар. Бу хакта Россия Эчке эшләр министрлыгының Казан буенча матбугат хезмәтендә хәбәр иттеләр.

"Савиново" полиция бүлегенә Яңа Савин районының 62 яшьлек хатын-кызы 9 яшьлек оныгының мобиль телефонын таныш булмаган кеше алуын әйтте”, диелгән хәбәрдә.

Килгән зыян 19 меңлек булган. Бу факт нигезендә “Талау” маддәсе буенча җинаять эше кузгатылган.

Полицейскийлар оператив төстә Айдаров урамында шикле ир-атны тоткарлаган. Элек хөкем ителгән 25 яшьлек ир-ат әлеге җинаятькә алдан әзерләнүен, урамда туры килердәй “корбанын” сагалавын әйткән. Ул кылган җинаятен таныган.

Тикшерү барышында ир-ат СИЗОга урнаштырылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10