ҺАВА ТОРЫШЫ 0 oC

Яңалыклар

барлык хәбәрләр Татарстан Россия
×

Хәвеф-хәтәр

Татарстанда өйләрендә чыккан янгында ирле-хатынлы хуҗалар пешкән

6 ноябрь 2018, 14:06 , Фото: ГУ МЧС России по РТ

Татарстанда өйләрендә чыккан янгында ирле-хатынлы хуҗалар пешкән Биектау районы Ибрә авылында кирпеч йорт янгында бөтенләй юкка чыккан.

(Казан, 6 ноябрь, “Татар-информ”). Биектау районында өйләрендә чыккан янгында ирле-хатынлы хуҗалар пешкән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

“Ибрә авылында чыккан янгын хәбәре бердәм 112 ашыгыч хезмәте номерына кичә иртән алынды. Янгын сүндерергә Дөбъяз янгын отряды килгән”, дип хәбәр иттеләр Татарстан буенча Баш идарәсе матбугат хезмәтендә.

Бер сәгатьтән артык вакыт янгын сүндерүгә киткән. Хуҗалар йорттан үзләре чыккан.

61 яшьлек ир-ат һәм 63 яшьлек хатын-кызның битләре, куллары, тәннәре пешкән. Аларны Биектау районы хастаханәсенә озатканнар.

Янгын электр җиһазын монтажлау кагыйдәләрен бозу аркасында чыккан.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10