ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Мәдәният

Муса Җәлил исемендәге республика премиясенә гаризалар кабул ителә башлады

5 ноябрь 2018, 14:35 , Фото: Михаил Захаров/архив

Муса Җәлил исемендәге республика премиясенә гаризалар кабул ителә башлады Бәйгегә февральдә - шагыйрь Муса Җәлилнең туган көнендә нәтиҗә ясалачак.

(Казан, 5 ноябрь, «Татар-информ»). Татарстанда Муса Җәлил исемендәге 2018-2019 еллар республика премиясенә гаризалар кабул ителә башлады. Бу хакта Татарстан Яшьләр эшләре министрлыгы матбугат хезмәте хәбәр итә.

Премия ике елга бер тапкыр 4 номинантка – 30 яшькәчә талантлы яшьләргә, шулай ук 30 яшьтән өлкәнрәк авторларга, коллективларга, яшьләр белән эшләүче иҗади берләшмәләргә бирелә.

  • Муса Җәлил исемендәге республика премиясе сәнгать, фән, мәгариф, тәрбия өлкәсе үсешенә өлеш керткән һәм яшьләр эшмәкәрлеге өлкәсендә зур казанышлары, яшьләр программаларын гамәлгә ашырган өчен тапшырыла. Лауреатларга 200 сум күләмендә акчалата премия, Диплом һәм махсус күкрәк билгесе бирелә.

Бәйгегә февральдә, шагыйрь Муса Җәлилнең туган көнендә нәтиҗә ясалачак.

Моннан алдагы елларда Муса Җәлил премиясенә Татарстанның  халык артисты Марат Шәрипов, шагыйрь Рәмис Аймәтов, Тинчурин исемендәге театр артистлары Резеда Сәләхова һәм Артем Пискунов, Татарстан иҗади яшьләр академиясе коллективы һ.б. лаек булган иде.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10