ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Мәдәният

Тимерхан Шәйхетдинов "Сәнгать берләштерәме?" дискуссиясендә сәнгатьнең төп максатын атады

5 ноябрь 2018, 09:00 , Фото: Салават Камалетдинов

Тимерхан Шәйхетдинов "Безнең фикер" дебаты җитәкчесе Ислам мәдәнияте музеенда сәнгатькә кагылышлы дискуссияне алып барды.

(Казан, 5 ноябрь, "Татар-информ", Зилә Мөбәрәкшина). "Безнең фикер" дебаты җитәкчесе Тимерхан Шәйхетдинов сәнгатьнең төп максатын кешенең рухи ихтыяҗын канәгатьләндерүдә дип саный. Бу хакта ул "Татар-информ" хәбәрчесенә Кол Шәриф мәчетенең Ислам мәдәнияте музеенда үткән "Сәнгать берләштерәме?" дискуссиясе барышында сөйләде.

Тимерхан Шәйхетдинов фикеренчә, сәнгать берләштерә дә, аера да. "Кеше үз тормышында сәнгатькә никадәр өлеш кертсә, сәнгатьнең кешегә йогынтысы да шулкадәр була. Сәнгатьнең төп максаты аеру яки берләштерү түгел, ә кешенең рухи ихтыяҗын канәгатьләндерү", - диде ул хәбәрчегә.

"Сәнгать берләштерәме?" дискуссиясендә спикерлар сәнгатьнең барлыгын, аның үсештә булуын, төрле формаларда тәкъдим ителүен искәртте. "Сәнгатьнең берләштерүе яисә аеруы кешенең үзеннән тора, - ди алар.

Спикерларның берсе Гөлназ Әлмәнова мәгърифәт һәм мәдәният проблемаларын күтәрде. "Кеше никадәр күбрәк белсә, сәнгатьне шулкадәр җиңелрәк аңлый ала. Сәнгать аермый да, берләштерми дә. Ул бар гына. Сәнгатьне кеше төрлечә кабул итә, анысы һәркемнең үзеннән тора", - ди ул.

Хореограф Нигина Низамиева, сәнгатьнең бер юнәлеше буларак, хореографиянең музыка, драматургия һәм биюне берләштерүен сөйләп узды.

"Кешеләр, субъектив фикерләрен җиткерер өчен, аерылырга һәм берләшергә мөмкиннәр, ә сәнгать ничек тәрбия бирә, шулай ук яши һәм кешеләрне илһамландыра", - дигән нәтиҗәгә килделәр дискуссиядә катнашучылар. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10