ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Яңа елдан дарулар 10 процентка кыйммәтләнергә мөмкин

4 ноябрь 2018, 16:53 , Фото: архив

Яңа елдан дарулар 10 процентка кыйммәтләнергә мөмкин Даруларга бәяләр арту, беренче чиратта, валюта курсы үсү белән бәйле.

(Казан, 4 ноябрь, “Татар-информ”). 2019 елдан, базар экспертлары мәгълүматлары буенча, тормыш өчен мөһим булган дарулар 10 процентка кыйммәтләнергә мөмкин. Бу хакта “Известия” хәбәр итә.

Даруларга бәяләр арту, беренче чиратта, валюта курсы үсү белән бәйле, шунлыктан чит ил даруларына бәяләрнең сизелерлек артуы көтелә.

Шулай ук Россия дару җитештерүчеләре дә бәяләрне арттырырга исәпли. Алар моны дарулар әзерләгәндә чит ил компонентларын куллану белән аңлата.

Россия Сәламәтлек саклау министрлыгы матбугат хезмәтендә дару җитештерүчеләр тормыш өчен мөһим булган даруларга бәяне инфляция проценты нигезендә генә арттыра ала, диләр.

Җитештерүчеләр елына бер тапкыр, инфляция дәрәҗәсе фаразларын исәпкә алып, бәяләрне яңадан теркәүгә гариза бирергә хокуклы. Хөкүмәт фаразлары буенча, әлеге күрсәткеч 4 – 4,5 процент тирәсендә тирбәлә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10