ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Мәдәният

Кайбыч гармунчылары лауреат исеменә лаек булды

4 ноябрь 2018, 00:00

(Кайбыч, 3 ноябрь, "Татар-информ", "Кайбыч таңнары").

Чувашстан Республикасының Комсомол районындагы Урмай авылы мәдәният йортының этнографик үзәк базасында милли халык уен коралларында уйнаучыларның "Уйнагыз, гармуннар!" икенче төбәкара конкурсы узды. Әлеге бәйге "Чувашстан Республикасы Милли-мәдәни автономиясе» иҗтимагый оешмасының төп чаралары планы нигезендә оештырылды.

Оста гармунчыларны ачыклау максатындагы әлеге бәйгедә Чувашстан, Татарстан, Мари-Эл республикалары, Ульяновск өлкәсеннән килгән иҗат коллективлары һәм аерым башкаручылар чыгыш ясады. Анда Чүти авылыннан үзешчән фольклор коллективы гармунчысы Ринат Исламов “Үзем уйныйм һәм җырлыйм” номинациясендә 1 дәрәҗәдәге лауреат исеменә лаек булды.Ә Олы Тәрбиттән Геннадий Солтанов – "Үзем уйныйм" номинациясенең беренче дәрәҗәдәге лауреаты. Алар һәм Кече Урсактан Ильяс Гәрәев 27 октябрьдә Мамадышта үткән Фәйзулла Туишев исемендәге республика гармунчылар смотр-бәйгесенең йомгаклау туры һәм гала-концертында да уңышлы чыгыш ясады. Өчесе бергә гармунда уйнап, лауреат исеменә лаек булдылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10