ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Хәвеф-хәтәр

Аксубайда сыер сатырга теләүче хатын-кызны акчасыз калдырганнар

3 ноябрь 2018, 20:00

Ханым мал сатып табыш алу нияте белән сату-алулар сайтына игълан элә.

(Аксубай, 3 ноябрь, "Татар-информ", "Авыл таңнары", Людмила Жаренова). Сыерын сатырга теләгән Аксубай районы кешесе алты мең сум акчасыннан колак каккан. Бу турыда район басмасы хәбәр итә.

Ханым мал сатып табыш алу нияте белән сату-алулар сайтына игълан элә. Аңа бер хатын-кыз шалтырата һәм сатучыдан банк картасы номерын һәм карта артындагы саннарны әйтүен сорый.

Сыерын сатарга теләгән ханым “сатып алучы“ кодны хәбәр итүен сораганнан соң, күп тә үтми акчасын салдырулары турында смс-хәбәр килгәннән соң да алдакчылар кулына эләгүе хакында аңлап җиткерми.

"Алдакчы хатын тагын бер кат шалтыратып, башка кодларны да хәбәр итүен сорагач кына ханым уйга кала, борчыла башлый һәм полициягә хәбәр итә", – дип сөйли Россия ЭЭМның Аксубай районы буенча бүлеге өлкән тикшерүчесе Евгений Рахманкулов. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10