ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Телеканалларда субтитрлы тапшырулар саны күбрәк булачак

3 ноябрь 2018, 12:38

Колагы начар ишеткән кешеләр карый алачак телетапшырулар санын арттырырга ярдәм итүче яңа закон 2020 елдан гамәлгә керә.

(Казан, 3 ноябрь, «Татар-информ»). Телеканалдагы тапшыруларның атнасына ким дигәндә биш проценты субтитрлар белән күрсәтелергә тиеш. Гаммәви мәгълүмат чаралары турындагы закон кысаларында телеканаллар өчен лицензия таләпләренә шундый үзгәрешләр кертелгән. Бу хакта «Российская газета» яза.

Әлеге үзгәрешләр «Үтемле мохит» дәүләт программасын гамәлгә ашыру белән бәйле. 2020 елның гыйнварыннан телеканаллар үз программаларын колагы начар ишетүче инвалидларга яраклаштырып әзерләргә тиеш.

Эфирга кайсы программаларны субтитрлар белән бирүне телеканаллар үзләре хәл итә. 

Закон таләпләре туры эфирда бара торган программаларга кагылмый. Биредә бары тик язмадагы телетапшырулар хакында гына сүз бара, дип ачыклык керткән иде РФ элемтә һәм гаммәви коммуникацияләр министры урынбасары Алексей Волин.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10