ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Мәдәният

Чаллы театры Екатеринбургта узачак заманча драматургия фестивалендә лирик комедия күрсәтә

3 ноябрь 2018, 09:49

5-15 ноябрь көннәрендә үтәчәк "Коляда-Plays" фестивалендә Буа театры да катнашачак.

(Казан, 3 ноябрь, “Татар-информ”, Рузилә Мөхәммәтова). Чаллы шәһәренең Татар дәүләт драма театры "Коляда-Plays" заманча драматургия халыкара театр фестивалендә “Зәңгәр томан артында” лирик комедиясен күрсәтәчәк. Бу хакта "Татар-информ"га театр җитәкчелеге хәбәр итте.

Фестиваль Екатеринбург шәһәрендә 5-15 ноябрь көннәрендә үтә.

6 ноябрьдә Чаллы театры коллективы башкорт драматургы Ангизә Ишбулдина пьесасы буенча куелган “Зәңгәр томан артында” спектаклен тәкъдим итәчәк. Режиссеры – Олег Кинҗәгулов. Бу әсәр Татарстанның Театр әһелләре берлеге гранты хисабына куелган.

"Коляда-Plays" заманча драматургия халыкара театр фестивалендә Татарстанның тагын бер театры катнашачак. Буа татар дәүләт драма театрының Валерий Шергин пьесасы буенча куелган “Концлагерьчылар” комедиясе 14 ноябрьдә уйналачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10