ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Ел башыннан Әлмәттә 105 юл-транспорт һәлакәте теркәлгән

3 ноябрь 2018, 07:00

Әлмәт юлларында 19 бала зыян күргән.

(Әлмәт, 3 ноябрь, "Татар-информ", "Әлмәт таңнары"). Ел башыннан Әлмәт шәһәре һәм район территориясендә 105 юл-транспорт һәлакәте теркәлгән. Бу хакта юл хәрәкәте куркынычсызлыгы буенча комиссиясендә әйтелде. Бу турыда җирле басма хәбәр итә.

Әлеге күрсәткеч үткән елдагыга караганда 15 кә кимрәк. Юл һәлакәтләре саны азайса да, аларның үлем белән тәмамлану очрагы ешайган. Быел балалар катнашында 19 юл-транспорт һәлакәте килеп чыккан. Аларда 19 бала зыян күргән.

Аварияләр каршы як хәрәкәт полосасына чыгу (9 очрак), өстенлек бирмәү (23 очрак), җәяүлеләр гаебе белән (11 очрак) һәм җәяүлеләр кичүен үтү кагыйдәләрен бозу (21 очрак) нәтиҗәсендә килеп чыккан.

Бүгенге көндә техниканың 90 проценты кышка әзер. Юллардагы бозлавыкка каршы кулланылучы ком-тоз катнашмасы материаллары җитәрлек.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10