ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Казанда төп Яңа ел чыршылары “Казан” үзәге янында һәм “Черек күл” паркында урнаштырылачак

1 ноябрь 2018, 16:18 , Фото: Рамиль Гали/архив

Казанда төп Яңа ел чыршылары “Казан” үзәге янында һәм “Черек күл” паркында урнаштырылачак Яңа ел бәйрәмендә Казан Европа стилендәге ярминкәләргә бай булачак, аларда милли колоритлы товарлар тәкъдим ителәчәк.

(Казан, 1 ноябрь, “Татар-информ”). Казанда төп Яңа ел чыршылары “Казан” гаилә үзәге янында һәм “Черек күл” паркында урнаштырылачак. Бу хакта “Туризмны үстерү комитеты” оешмасы директоры Дарья Санниковага сылтама белән шәһәр мэриясе матбугат хезмәте хәбәр итә.

“Яңа елга әзерлекнең төп үзенчәлеге булып, шәһәрдәге барлык чыршылар бизәлешен бер тематикага берләштерү тора. Төп чыршылар “Черек күл” паркында һәм “Казан” гаилә үзәге янында урнаштырылачак”, - диелгән әлеге хәбәрдә.

Яңа ел бәйрәмендә Казан Европа стилендәге ярминкәләргә бай булачак һәм анда милли колоритлы товарлар тәкъдим ителәчәк.

Татарстан башкаласында ресторан һәм кунакханәләр тематик кичәләр оештыра. Анда сәхнә йолдызлары, шул исәптән Россиядән дә, катнашулары көтелә. Шәһәрне иллюминацияле миллионлаган утлар бизиячәк.

Бәйрәм көннәрендә шәһәр халкын һәм кунакларны шулай ук музейларда да көтәләр. Каникул көннәрен күңелле дә, файдалы да итеп үткәрүдә төрле чаралар оештырыла.  
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10