ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Татарстанда никахны теркәү өчен электрон гариза бирү сервисы яңадан эшли башлый

31 октябрь 2018, 17:15

Татарстан дәүләт хезмәтләре порталында ЗАГСның кайбер сервислары, федераль мәгълүмат системасына күчү сәбәпле, 1 октябрьдән эшләми торган иде.

(Казан, 31 октябрь, “Татар-информ”). Никахлашуны теркәү өчен Татарстан дәүләт хезмәтләре порталы аша ЗАГСка электрон гариза бирү сервисы яңадан эшли башлый. Бу хакта Мәгълүматлаштыру һәм элемтә министрлыгы матбугат хезмәте хәбәр итә.

ЗАГСка электрон гариза бирү хезмәтендә кияү белән кәләш өйләнешү көнен һәм урынын билгеләү, дәүләт пошлинасын түләү каралган.

  • Татарстанда 1 октябрьдән ЗАГС органнарына Татарстан дәүләт хезмәтләре порталы аша гариза биреп булмавын хәбәр иткән иде.

Республика халкы никахлашу һәм бала тууны, шулай ук аерылышу һәм кеше үлеме буенча теркәүләрне электрон гариза аша вакытлыча башкара алмый торды. Проблема “Гражданлык халәте актлары язмаларының бердәм дәүләт реестры” системасы төбәкнекеннән федераль сервисына күчкәндә килеп чыккан иде.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10