ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Җәмгыять

Казан ноябрь бәйрәмнәрендә гаилә белән сәяхәт өчен популяр шәһәрләр исемлегенә кергән

31 октябрь 2018, 11:00

Гаиләләре белән сәяхәт итүчеләр Татарстан башкаласында өч көн ярым булырга планлаштыра.

(Казан, 31 октябрь, “Татар-информ”). Казан ноябрь бәйрәмнәрендә гаилә белән сәяхәт итү өчен популяр Россия шәһәрләрләре арасында өченче урынны алган. Бу хакта Tvil.ru торак броньлау сервисы хәбәр итә.

Сервис мәгълүматлары нигезендә, гаилә белән сәяхәт итүче туристлар Татарстан башкаласында өч көн ярым булуны һәм торакка тәүлегенә ике мең сум акча тотуны планлаштыра.

Рейтингта беренче ике урынны Санкт-Петербург һәм Мәскәү алган. Популярлык буенча дүртенче һәм бишенче урыннарда Петрозаводск һәм Краснодар тора. Туристлар иң күп вакыт - дүрт тәүлекне Петербургта уздырырга ниятли.

Халыклар бердәмлеге көнендә курорт шәһәрләре арасында Сочи, Ялта һәм Кисловодск популяр юнәлешләр булып тора.

Рейтинг быел 2 ноябрьдән 6 ноябрьгә кадәр гаиләләр белән яшәү өчен кунакханәләр һәм апартаментларны броньлау анализы мәгълүматларына нигезләнеп эшләнгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10