ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Җәмгыять

Әлмәттә сәяси репрессия корбаннарын искә алдылар

30 октябрь 2018, 23:00 , Фото: almet-rt.ru

Әлмәттә сәяси репрессия корбаннарын искә алдылар Әлмәттә бүген митинг оештырылды.

(Әлмәт, 30 октябрь, "Татар-информ", "Әлмәт таңнары"). Бүген – Сәяси репрессия корбаннарын искә алу көне. Әлмәтлеләр быел да Хәтер мәйданына җыелды. Бутурыда җирле басма яза.

Митингта әлеге чор шаһитлары булганнар, укучылар, кадетлар, җәмәгатьчелек катнашты. Бүген шәһәрдә һәм районда сәяси репрессия корбаны булган 100 кеше гомер кичерә.

Митингта чыгыш ясап, район Советы аппараты җитәкчесе Роза Әфләтунова Сәяси репрессия корбаннарын искә алу көненең илебез тарихының фаҗига белән сугарылган битләрен хәтерләү булуын билгеләп үтте.

Шәһәрдә сәяси репрессия корбаннары советы 1996 елда төзелә. Аның җитәкчесе Әнисә Гәрәева кайгыртучанлык күрсәткәннәре өчен шәһәр һәм район җитәкчелегенә рәхмәтен җиткерде.

Шомлы еллар шаһитларының саны елдан-ел кими бара. Алар бер минут тынлык белән искә алынды, ә һәйкәл кызыл канәферләргә күмелде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10