ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Рәсми Татарстан

Президент Ислам үсеш банкы башлыгы белән Россиядә ислам банкингын үстерү турында сөйләште

30 октябрь 2018, 16:16 , Фото: tatarstan.ru

Президент Ислам үсеш банкы башлыгы белән Россиядә ислам банкингын үстерү турында сөйләште Рөстәм Миңнеханов фикеренчә, Россиядә ислам финанс базары үсеше өчен законнарны үзгәртү кирәк.

(Казан, 30 октябрь, “Татар-информ”). Татарстан Президенты Рөстәм Миңнеханов бүген Ислам үсеш банкы президенты Бандар Хаджар һәм Россия банк җәмгыяте вәкилләре белән Россиядә ислам финанс базары үсеше турында сөйләште Бу хакта Татарстан Президенты матбугат хезмәте хәбәр итә.

Очрашу Дубайда ислам икътисадын үстерүгә багышланган GIES-2018 Глобаль ислам икътисады саммиты киңлекләрендә барды. 

Встреча Президента Республики Татарстан Рустама Минниханова с  президентом Исламского банка развития Бандаром Хаджаром и заместителем Председателя Правления Сбербанка России Олегом Ганеевым.

“Биредә Россиядә ислам банкингын алга җибәрүне планлаштыручы кешеләр җыелган. Безгә законнарны һәм бу эшкә карата карашыбызны үзгәртү кирәк. Ислам банкингы безнең түрәләр аңында ул мәчетләрнең акча өләшүе булып тора. Әмма бу бик зур хаталану”, - диде Рөстәм Миңнеханов.

Татарстан Президенты Россиядә ислам финанс базары үсеше эшенә Россия Саклык банкы идарәсе рәисе урынбасары Олега Ганиевны һәм Россия икътисади үсеш министры урынбасары Сергей Горьковны җәлеп итәргә тәкъдим итте.

Встреча Президента Республики Татарстан Рустама Минниханова с  президентом Исламского банка развития Бандаром Хаджаром и заместителем Председателя Правления Сбербанка России Олегом Ганеевым.

“Ул һөнәре буенча банкир, Россия Икътисади үсеш министрлыгында барлык тышкы элемтәләр өчен җаваплы”, - диде Рөстәм Миңнеханов.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10