ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Җәмгыять

Республика балалар хастаханәсе базасында онкологиядән дәвалау корпусы төзеләчәк

30 октябрь 2018, 13:38

“Мондый үзәк булдыруга ихтыяҗ күптән туды”, - диде сәламәтлек саклау министры.

(Казан, 30 октябрь, “Татар-информ”, Гөлнар Гарифуллина). Республика балалар клиник хастаханәсе базасында 100 ятакка исәпләнгән балалар онкология, гематология, хирургия корпусы төзелеше ниятләнә. Бу хакта бүген ТР Министрлар Кабинетында брифингта  республиканың сәламәтлек саклау министры Марат Садыйков хәбәр итте.

“Мондый үзәк булдыруга ихтыяҗ күптән туды. Татарстанда шеш авыруыннан интегүче 8 мең 201 бала учетта тора”, - диде министр.

Аның сүзләренчә, диагностика, югары технологияле дәвалау, реабилитация – барысы да бер урында башкарылачак. “Балаларның яман шештән үлемен киметү – өстенлекле юнәлешләрнең берсе”, - диде ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10