ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Фән һәм мәгариф

Россиядә туган телләрне укыту концепциясен ел ахырына кадәр әзерләячәкләр

30 октябрь 2018, 11:30

Хәзерге вакытта туган телләрне өйрәтү буенча федераль белем бирү программасын эшләү, туган телләр буенча дәреслекләр санын арттыру бурычы тора.

(Казан, 30 октябрь, «Татар-информ»). Россия мәктәпәрендә туган телләрне укыту концепциясен 2018 ел ахырына кадәр әзерләячәкләр. Бу хакта «Парламентская газета» Россия мәгариф министры урынбасары Татьяна Синюгина сүзләренә сылтама белән хәбәр итә.

«2019 елның 1 гыйнварыннан да соңга калмыйча концепцияне килештерү өчен тәкъдим итәргә ниятлибез», - дигән Синюгина.

Хәзерге туган телләрне өйрәтү буенча федераль белем бирү программасын эшләү, туган телләр буенча дәреслекләр санын арттыру бурычы тора. Моның белән федераль бюджеттан финанслана торган Туган телләрне өйрәтүгә ярдәм фонды шөгыльләнәчәк.

Туган телләрне укыту турындагы закон 14 августта үз көченә керде. Ул Россия Президенты Владимир Путинның йөкләмәсен үтәүгә юнәлдерелгән. Ул ата-аналарның мәктәп укучылары өчен туган телләрне сайлау мөмкинлеге булырга тиеш дип белдергән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10