ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Җәмгыять

Казанда пациентлар тар юнәлештә эшләүче табиблардан ярдәмне ике үзәктә алачак

30 октябрь 2018, 11:26 , Фото: архив/Михаил Захаров

Казанда пациентлар тар юнәлештә эшләүче табиблардан ярдәмне ике үзәктә алачак Тар юнәлештә эшләүче табиблар Казанда ике үзәктә кабул итә башлый.

(Казан, 30 октябрь, “Татар-информ”, Гөлнар Гарифуллина). 2019 елдан пациентлар, үз сырхауханәсендә алынган юллама белән, тар юнәлештә эшләүче табиблардан ярдәмне ике үзәктә алачак. Бу хакта бүген ТР Министрлар Кабинетында узган брифингта Татарстанның сәламәтлек саклау министры Марат Садыйков хәбәр итте.

Министр Казанда тар юнәлештә эшләүче белгечләрне Идел буе районында 18 нче шәһәр хастаханәсендә һәм Мәскәү районында 16 нчы шәһәр хастаханәсендә туплау ниятләнгәнен әйтте.

“Бу бөтен шәһәр буйлап йөрмәү, табибка үтемлелекне арттыру өчен кирәк. Үзәкләр заманча медицина җайланмалары һәм кадрлар белән җиһазланачак. Алар әзер диярлек, хәзер лицензияләү бара", - диде Марат Садыйков.

Үзәкләр авыруларны 2019 елдан кабул итә башлаячак. Пациент үз сырхауханәсендә юллама алып, шул үзәкләргә барып ярдәм алачак.

“Тар юнәлештәге белгечләргә ихтыяҗ проблемасы дистәләгән еллардан килә. Ул республиканың барлык районнарына хас. Шәһәрләрдә бераз вазгыять яхшырак”, - диде министр.

Министр сүзләренчә, быелдан башлап белгечләр медицина университетын, медицина академиясен тәмамлагач ук эшләрлек итеп әзерләнәчәк. Офтальмология, отоларингология, неврология һәм башка юнәлешләр буенча ординатурада квоталар артачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10