ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Җәмгыять

Казан һәм Бигеш аэропортларына финалдагы өчәр исем өчен тавыш бирү башланды

29 октябрь 2018, 20:54

Республика халкына 7 ноябрьгә кадәр һәр аэропорт өчен өч исемне ачыкларга кирәк булачак.

(Казан, 29 октябрь, “Татар-информ”). Татарстанда Казан һәм Бигеш аэропортларына тавыш бирүдә яңа этап башланды һәм ул 7 ноябрьгә кадәр дәвам итәчәк. Биредә финалга чыгачак өчәр исем ачыкланачак. Бу хакта Татарстан Иҗтимагый палатасы хәбәр итә.

“Россиянең бөек исемнәре. Татарстан Республикасы” проекты буенча “ВКонтакте” һәм “Одноклассники” социаль челтәрләрендә тавыш биреп була.

Моннан тыш, Татарстан Республикасы дәүләт хезмәтләре порталында, “Татарстан Республикасы хезмәтләре” мобиль кушымтасы ярдәмендә үз тавышыңны җиткерергә була.

“Россиянең бөек исемнәре” проекты илнең халыкара аэропортларына Россиянең мәшһүр эшлеклеләре исемен бирү максатыннан булдырылды.

  • Проектта Россиянең 40тан артык аэропорты катнаша.
  • Дөньядагы 200ләп аэропорт ил үсешенә зур өлеш керткән кешеләр исемен йөртә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10