ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада яңа туган баласын чүплеккә ташлауда шикләнелгән хатынны тоткарлаганнар

29 октябрь 2018, 14:04

Хатын-кызның йөклелеген яшергәне, баланы ванна бүлмәсендә, үзе белән яшәүче ир-ат йоклаган вакытта тудырганы ачыкланган.

(Казан, 29 октябрь, “Татар-информ”, Гөлнар Гарифуллина). Түбән Камада яңа туган нарасыен чүплеккә ташлауда шикләнелгән ана табылган. Бу хакта РФ Тикшерү комитетының Татарстан буенча идарәсе җитәкчесенең өлкән ярдәмчесе А.Шептицкий хәбәр итә.

27 октябрь төнендә Түбән Кама шәһәренең Сөембикә урамындагы чүплектә яңа туган бала табыла.  Яңа туган кыз бала салынган полиэтилен пакетны узып баручы ир-ат күреп ала.  Хәзерге вакытта баланы табиблар дәвалый. 

Оператив-эзләү чаралары барышында, җинаятьтә шикләнелгән 39 яшьлек хатын-кыз тоткарланган. Хатын-кыз җинаятькә катнашын таныган.

Бу хатынның, йөклелеген яшереп, баласын өйдә ванна бүлмәсендә, үзе белән яшәүче ир-ат йоклаган вакытта тапканы ачыкланган. Кендек бавын пычак белән кисеп, ул баланы башы белән пакетка сала һәм чүплеккә илтә. 

Россия Тикшерү комитетының Татарстан буенча тикшерү органнары "кечкенә баланы үтермәкче булу" маддәсе буенча җинаять эше кузгаткан (РФ Җинаять кодексының 105 нче маддәсенең 2 нче өлеше). Бу хәлнең барлык нечкәлекләре тикшерелә, җинаятькә этәргән сәбәпләр ачыклана.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10