ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Татар дөньясы

Мәскәүдә “Татарча диктант”та катнашкан иң өлкән кешегә 83 яшь булган

28 октябрь 2018, 15:37 , Фото: Лилиана Сафина

Мәскәүдә “Татарча диктант”та катнашкан иң өлкән кешегә 83 яшь булган Мәскәүдәге Татар милли-мәдәни мохтариятендә йөзләп кеше татарча диктант язган.

(Казан, 28 октябрь, “Татар-информ”, Зилә Мөбәрәкшина). Мәскәүдә узган “Татарча диктант” акциясендә иң өлкән катнашучыга 83 яшь булган. Диктантны йөзгә якын кеше язган. Бу хакта “Татар-информ” хәбәрчесенә Мәскәүдәге Татар милли-мәдәни мохтарияте рәисе Фәрит Фарисов хәбәр итте.

“Татарча диктант” акциясе мохтарият мәйданында өченче тапкыр үтте. Диктантка гаиләләре белән килүчеләр дә бар. Иң өлкән катнашучы Марс Гариповка 83 яшь иде”, - диде Фәрит Фарисов.

“Мәскәүдә диктантны өч урында яздылар. Милли-мәдәни мохтарияттә язган Марс абый Гарипов безнең иң кадерле, яраткан активистыбыз. Ходай саулык бирсен иде аңа”, - ди диктантны яздырган Лилиана Сафина.

“Кешеләрне татар һәм татар булмаганга бүлмәскә тырыштым. Һәркемгә үзен сынап карарга мөмкинлек бирү максат иде. Минем төркемгә татар теле курсына йөрүчеләр килде. Аларга  Алишның “Каз белән Аккош” тексты укыдык”, - диде Лилиана Сафина.

Лилиана Сафина сүзләренчә, узган ел диктантка бирелгән текст авыр, ә быелгысы күпкә җиңелрәк булган. “Текстны сайлаганда һәр төбәкнең үзенчәлеген дә исәпкә алсыннар иде”, - дип әйтте ул.

  • Иркен сөйләшүчеләр өчен диктантны актриса Ләйсән Дусаева, калган төркемнәр өчен “Умарта” татар теле курсларын җитәкләгән филология фәннәре кандидаты Лилиана Сафина укыган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10