ҺАВА ТОРЫШЫ -9 oC

Яңалыклар

барлык хәбәрләр Татарстан Россия

Җәмгыять

Түбән Камада 2018 елда 2500нче бала туган

28 октябрь 2018, 10:14 , Фото: Ильнар Тухбатов/архив

Түбән Камада 2018 елда 2500нче бала туган
ЗАГС хезмәткәрләре гаиләне кызлары туу белән котлап, Татарстан Президенты Рөстәм Миңнехановтан котлау хаты тапшырган.

(Казан, 28 октябрь, “Татар-информ”). Түбән Кама шәһәрендә быел 2500нче бала туган. Бу хакта Түбән Кама хакимияте матбугат хезмәте хәбәр итә.

Юбилей санлы кыз бала Гарифҗановлар гаиләсендә дөньяга аваз салган. Әти-әнисе кызга “күктәге” мәгънәсен бирүче Ариана исемен кушкан.

ЗАГС хезмәткәрләре гаиләне кызлары тууы белән котлаган һәм Татарстан Президенты Рөстәм Миңнехановтан котлау адресы тапшырган. Шулай ук котлау сүзләрен һәм бүләк картасын “Түбән Кама хатын-кызлары” иҗтимагый оешмасыннан кабул итеп алганнар.

Быел Түбән Камадагы 25 гаиләдә игезәкләр, ә бер гаиләдә берьюлы өч бала туган.

Шәһәрдә һәм Түбән Кама районында барлыгы 2215 күп балалы гаилә бар. Шулардан 62 гаиләдә биш һәм аннан да күбрәк бала тәрбияләнә.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10