ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Хәвеф-хәтәр

Петербургта ике йөк машинасы һәм автобус бәрелешеп җиде кеше үлгән

28 октябрь 2018, 09:44

Һәлак булучыларның барысы да микроавтобуста булган.

(Казан, 28 октябрь, “Татар-информ”). Санкт-Петербургта Көнбатыш тиз йөрешле юлында ике йөк машинасы һәм микроавтобус бәрелешеп җиде кеше һәлак булган. Бу хакта Россия Дәүләт автоинспекциясенә сылтама белән ТАСС хәбәр итә.

Беренчел мәгълүматлар буенча, Iveco йөк машинасы үзе белән бер якка таба баручы Scania йөк машинасы белән бәрелешкән. Scania каршы як хәрәкәт юлына чыгып, Hyundai Starex микроавтобусына барып бәрелгән һәм ике машинага да ут капкан.

Юл-транспорт һәлакәтендә микроавтобуста булган җиде кеше һәлак булган. Төрле җәрәхәтләр алган Scania йөртүчесен хастаханәгә салганнар.

Фаҗига кичә 18.00 сәгатьтә булган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10