ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Авыл

Апаста алдынгы машина йөртүчеләрне бүләкләделәр

28 октябрь 2018, 01:00 , Фото: apastovo.ru

Апаста алдынгы машина йөртүчеләрне бүләкләделәр Рәүф Гыйльмановка район башлыгы исеменнән Рәхмәт хаты һәм акчалата премия тапшырды.

(Апас, 28 октябрь, "Татар-информ", "Апастово-информ"). Апаста "Ак Барс" оешмасының II филиалында автомобильчеләр көне уңаеннан алдынгы шоферларга Мактау грамоталары, акчалата премия тапшырылды. Бу турыда район басмасы хәбәр итә.

Район башкарма комитеты җитәкчесе Алмаз Гыйбадуллин хезмәткәрләрне район башлыгы исеменнән бәйрәм белән тәбрик итте, эшләрендә уңышлар, юлларда хәвеф-хәтәрсез йөрүләрен теләде. Шулай ук Рәүф Гыйльмановка район башлыгы исеменнән Рәхмәт хаты һәм акчалата премия тапшырды.

"Үзем Карамасар авылыннан мин. Ел, тәүлек әйләнәсе руль артында без. Республиканың төрле райннарында булырга туры килә. Хезмәтебезне күреп, шундый югары бәя биргәннәре өчен җитәкчеләргә рәхмәтемне белдерәм", - диде Рәүф абый.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10