ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Хәвеф-хәтәр

Танылган баянчы Шәфәгать Салихов һәлак булды

27 октябрь 2018, 21:09

Кайгылы хәбәрне җырчы Ринас Әхмәтов җиткерде.

 (Казан, 27 октябрь, "Татар-информ", Алсу Исмәгыйлева). Бүген Казан-Чаллы трассасында авариягә очрап, танылган баянчы Шәфәгать Салихов һәлак булган. Кайгылы хәбәрне "Татар-информ" хәбәрчесенә аның иҗатташ дусты, җырчы Ринас Әхмәтов җиткерде.

"Чаллы юлында авариягә очраганы мәгълүм. Әлегә башка мәгълүмат юк", - диде Ринас Әхмәтов. 

Шәфәгать Салихов татар тамашачысына Салават Фәтхетдиновның беренче баянчысы буларак мәгълүм. Аның уйнавына кушылып, Салават Фәтхетдинов "Урсал тауда", "Әнкәмнең догалары" җырларын башкарды.

Шәфәгать Салиховка 60 яшь иде. Ул Чаллы шәһәрендә яшәп иҗат итте. Быел 19 сентябрь көнне Чаллыда тамашачыларына юбилей концертын тәкъдим иткән иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10