ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Актанышта комсомолның тормыш мәктәбен үткән буын очрашты

27 октябрь 2018, 23:00 , Фото: aktanysh-rt.ru

Актанышта комсомолның тормыш мәктәбен үткән буын очрашты Комсомолның берничә буын биографиясенә үз мөнәсәбәте бар.

(Актаныш, 27 октябрь, "Татар-информ", "Актаныш таңнары", Лилия Бәхтиева). “Акчарлак” кафесында очрашуга Актанышның комсомол тарихында тирән эз калдырган иптәшләр, шул чорда җаваплы эшләр башкаручы мөхтәрәм затлар, өлкән буын вәкилләре чакырулы иде. Бу турыда җирле басма хәбәр итә.

Бүгенге өлкән яшьтәгеләр ул чорны сагынып искә ала, чөнки аларның яшьлеге комсомол дәверенә туры килгән. Илнең берничә буын гражданы, ягъни ике йөз миллионга якын кеше, комсомол мәктәбен үткән. 

Комсомолның берничә буын биографиясенә үз мөнәсәбәте бар. Өлкән буын өчен комсомол Тормыш мәктәбе булды. Актанышта үткән бәйрәм чарасында да бу фикер чакырылган кунаклар тарафыннан күп тапкырлар әйтелде.

Кунаклар өчен мәдәният хезмәткәрләре тарафыннан концерт программасы тәкъдим ителде, комсомол вәкилләре котлаулар кабул итте. Беренчеләрдән булып залда утыручыларны район башлыгының киңәшчесе Айрат Кәрамов тәбрик итте.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10