ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Фән һәм мәгариф

Мәгариф министрлыгы Чаллының кадет мәктәбендәге бәхәскә ачыклык кертте

26 октябрь 2018, 19:31

Кадет мәктәбендә математика укытучысы бер укучы кызга кычкырган.

(Казан, 26 октябрь, «Татар-информ»).  23 октябрьдә Чаллының Никита Кайманов исемендәге Кадет мәктәбендә укытучы белән укучы арасында конфликт булган. Бу вазгыятьне Татарстан Мәгариф һәм фән министрлыгы матбугат хезмәте шәрехләде.

Татарстан Мәгариф һәм фән министрлыгы балага карата дөрес мөнәсәбәт булмау фактын педагогика этикасы нормаларына каршы килә дип саный. Кадет мәктәбендә математика укытучысы бер укучы кызга кычкырган. Бу турыдагы видео социаль челтәрләрдә чыкты.

«Хәзер мәктәптә укытучы белән укучы арасында конфликт чыгуга нәрсә сәбәп булуын тикшерәләр.

Мәктәптә Чаллы шәһәренең 4нче полиция бүлеге балигъ булмаганнар эшләре буенча бүлек хезмәткәрләре эшли. Аннары тиешле карарлар кабул ителәчәк», – диелгән министрлык сайтында.

Хәбәрдә укытучының гомуми стажы 40 елдан артык булуы, аның физика-математика фәннәре кандидаты һәм доцент булуы билгеләп үтелә. Мәктәптә агымдагы елның 1 сентябреннән эшли. «Элек укытучыга карата кисәтүләр булмаган», – диелгән министрлык хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10