ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Әлмәттә Саҗидә Сөләйманова исемендәге әдәби премияләрне тапшырдылар

25 октябрь 2018, 21:55 , Фото: Салават Камалетдинов

Әлмәттә Саҗидә Сөләйманова исемендәге әдәби премияләрне тапшырдылар
Әлмәт татар дәүләт драма театрында шагыйрә Саҗидә Сөләйманованы искә алу кичәсе узды.

(Казан, 25 октябрь, "Татар-информ", Альбина Мөхәммәдиева). Татарстанда шагыйрә Саҗидә Сөләйманова исемендәге XIII әдәби премия лауреатларын һәм стипендиантларын бүләкләделәр. Чара Әлмәт шәһәренең Татар дәүләт драма театрында узды.

Яр Чаллыдан Рәшит Бәшаров "Былбыл оясы" хикәяләр җыентыгы, Казаннан Гөлзадә Бәйрәмова "Дөнья шигырь яздыра" шигъри җыентыгы, Әлмәттән Рәфкать Шаһиев "Сагыну исе"  хикәяләр җыентыгы өчен лауреат исеменә лаек булды.

Кызыксындыру премияләрен Гөлүсә Батталова "Бер йортым бәхет",  Екатерина Аничкина "Лунный блюз",  чуваш телендә язучы Евгений Турхан "Парала" шигырь җыентыклары өчен алды. Тагын ун студентка Сөләйманова исемендәге стипендия бирелә. 

Язучыларны "Татнефть" компаниясе генераль директоры урынбасары Рөстәм Мөхәммәдиев, Язучылар берлеге рәисе Данил Салихов һәм башкалар котлады. 

Чарага Рәмис Аймәт, Мәсгут Имашев, Ркаил Зәйдулла, Марсель Галиев, Эльмира Шәрифуллина, Саҗидә Сөләйманованың улы Әнвәр Маликов белән тормыш иптәше Асия Маликова һәм башкалар килгән иде.

Бүген шулай ук Әлмәттә Саҗидә Сөләйманова  бюсты янында митинг булды. Саҗидә Сөләйманова шигырьләре буенча Асия Маликова ясаган фотокүргәзмә ачылды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10