ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Омск татарлары телне саклау өчен квалификацияле кадрлар кирәк дип исәпли

25 октябрь 2018, 21:47

“Татар телен саклау” темасына түгәрәк өстәлдә катнашучылар аеруча мәктәпкәчә яшьтәге балаларда татар теленә карата кызыксыну уяту кирәклеген әйтә.

(Казан, 25 октябрь, “Татар-информ”). Омск өлкәсенең Тара шәһәрендә яшәүче татарлар телне саклап калу өчен барыннан да  элек квалификацияле кадрлар кирәк дип исәпли. Бу хакта Төбәк татар милли-мәдәни автономиясе сайты хәбәр итә.

Укытучылар йортында узган “Татар телен саклау” темасына түгәрәк өстәл вакытында телне саклау турында фикер алышканнар.

Катнашучылар аеруча мәктәпкәчә яшьтәге балаларда татар теленә карата кызыксыну уяту кирәклеген әйткән.

Татар телен өйрәнүдә һәм саклауда нәтиҗә булсын өчен, балаларны ана теленә өйрәтүдә әти-әниләрнең теләге һәм рөхсәте кирәк, диелгән әлеге хәбәрдә.

“Мәдәният” төбәк татар милли-мәдәни автономиясе башкарма директоры Диләрә Солтанова милләттәшләренә 27 октябрьдә узачак “Татарча диктант” мәгариф акциясендә катнашырга тәкъдим иткән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10