ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Икътисад, Рәсми Татарстан

Рөстәм Миңнеханов предприятиеләрнең нәтиҗәле эшләргә тиешлегенә игътибар юнәлтте

25 октябрь 2018, 11:19

Иң мөһиме – керемнең уңай динамикасын тәэмин итү, диде Татарстан Президенты.

(Казан, 25 октябрь, “Татар-информ”, Гөлнар Гарифуллина). Керемнең уңай динамикасына ирешү өчен, предприятиеләрнең нәтиҗәле эшен тәэмин итү мөһим. Татарстан Президенты Рөстәм Миңнеханов 2018 елның 9 аенда бюджет үтәлеше нәтиҗәләренә багышланган республика киңәшмәсендә шулай дип әйтте.

Р.Миңнеханов бюджет үтәлеше турында фикерен әйтте. “Бюджет һәрвакыт киеренке. Бу күп кенә сәбәпләргә бәйле. Иң мөһиме – чыгымнарны күтәрү өчен керемнең уңай динамикасын тәэмин итү. Предприятиеләрнең нәтиҗәле эшен тәэмин итү мөһим", - диде ул.

Президент салым бурычларын түләттерү буенча эшне дәвам иттерергә кирәклеген дә ассызыклады. Татарстанның тулай төбәк продукты күләме 109,5 процент булуын әйтте. Сәнәгать производствосы индексы 1,9 процент тәшкил итә. 

ТР финанс министры Радик Гайзатуллин әйтүенчә, быел Татарстан Республикасы тупланма бюджетының чыгымнары 185,7 млрд сум, республика бюджетыныкы 156,2 млрд сум. Муниципаль берәмлекләрнең чыгымнары 59,1 млрд сум тәшкил иткән.

2018 елның 9 аенда Татарстан Республикасының тупланма бюджетына 210,4 млрд сум керем алынган. "Ел башына калган бюджет акчалары һәм 9 айда кергән табыш хезмәт хакларын, бюджет оешмалары чыгымнарын түләргә, инвестицион программаларны финансларга мөмкинлек бирде", - ди министр.

Бюджет турында закон проекты беренче укылышта кабул ителде. Радик Гайзатуллин хәзерге вакытта республиканың районнарына, шәһәрләренә җирле бюджетларны формалаштыру буенча эшне актив уздыру кирәклеген әйтте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10