ҺАВА ТОРЫШЫ -5 oC

Яңалыклар

барлык хәбәрләр Татарстан Россия
×

Икътисад

Җәмәгать транспортында динамик тарифлар кертергә тәкъдим иттеләр

25 октябрь 2018, 11:05

Бу тарифлар буенча пик сәгатьләрендә җәмәгать транспортында йөрү бәясе – кыйммәтрәк, көндез арзанрак булачак.

(Казан, 25 октябрь, «Татар-информ»). Россия Транспорт министрлыгы динамик тарифлар кертергә тели. Бу очракта пик сәгатьләрендә җәмәгать транспортында йөрү бәясе – кыйммәтрәк, көндез арзанрак булачак. Бу хакта «Ведомости» газетасы яза.

Транспорт министрлыгы төбәкләргә җәмәгать транспортында тарифларны тәүлек дәвамында үзгәртүне рөхсәт итәргә тәкъдим итә. Метро, автобус һәм башка җәмәгать транспортында динамик тарифлар кертелергә мөмкин.

"Бу очракта пик сәгатьләрендә җәмәгать транспортында йөрү бәясе – кыйммәтрәк, көндез арзанрак булачак», - диелә хәбәрдә.

Тарифларның көндез арзанрак булуы пенсионерларга, хуҗабикәләргә һәм сыгылмалы график нигезендә эшләүчеләргә акчаларын янга калдырырга мөмкинлек бирәчәк.

Федерация Советы каршындагы Гражданнар җәмгыяте институтлары белән хезмәттәшлек советы әгъзасы Евгений Корчаго сүзләренчә, пик сәгатендә Лондон җәмәгать транспортында йөрү бәясе - 8,40 (712 сумга якын), калган вакытта 7 фунт стерлинг (592 сум). 

Әгәр моны Россия чынбарлыгына күчерсәң, Казанда көндез җәмәгать транспортында йөрү бәясе 25 сумнан 21 сумга калыр иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10