ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Спорт

Балтачта танылган көрәшче Дамир Сафиуллинны искә алдылар

25 октябрь 2018, 07:00 , Фото: baltachttp://baltaci.ru/

Балтачта танылган көрәшче Дамир Сафиуллинны искә алдылар Кубокны калдыру өчен келәм хуҗаларына күп тир түгәргә туры килде.

(Балтач, 24 октябрь, “Татар-информ”, “Хезмәт”, Нурзада Сәмигуллин). 45 яшендә вафат булган танылган көрәшче, РСФСР ның спорт остасы Дамир Сафиуллинны балтачлылар быел туган авылында – яңа мәдәният йортында искә алдылар. Бөтен гомерен туган авылына багышлаган, Яңгул авылын көрәшчеләр иле итеп танытуга үзенең булган бар көчен куйган батырыбыз истәлегенә узучы быелгы ярышлар бар кунакның күңеленә кереп калырлык булды. Бу турыда район басмасы хәбәр итә.

Ярышларны ачу тантанасында район башкарма комитет Рамил Шакиров мәрхүм турында истәлекләре белән уртаклашып, егетләргә үз хәер-фатихасын бирде. Мәрхумнең бер төркем дуслары, уллары зиратка барып Шәрифҗан хәзрәт белән аның рухына дога кылып кайттылар.

Кубокны калдыру өчен келәм хуҗаларына күп тир түгәргә туры килде. Икенче урынга лаек булган «Татарстан» җәмгыяте командасы купләрне уйланырга мәҗбүр итте. «Смәел», «Маяк», «Сосна», «Кызыл юл», «Труд» җәмгыятьләреннән килгән егетләр дә көчле булып чыктылар.

Әз генә өстенлек белән тимирязевлылар өченче урынга керә алдылар. Ярышларга килгән 15 команданың һәркайсында көчле бил бирмәс көрәшчеләрне күрергә туры килде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10