ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Сәламәтлек саклау министрлыгы балаларга тәмәке саткан өчен штрафны арттыруны хуплады

24 октябрь 2018, 09:40

Штраф күләме арткан очракта законсыз сатулар саны кимер дип ышаналар.

(Казан, 24 октябрь, “Татар-информ”). Россия Сәламәтлек саклау министрлыгы 18 яше тулмаган балаларга тәмәке саткан өчен штрафны ун тапкыр арттыруны хуплады. Бу хакта ведомство матбугат хезмәтенә сылтама белән “Известия” хәбәр итә.

Балигъ булмаган балаларга тәмәке саткан өчен штрафны ун тапкыр арттыруны Ленинград закон чыгару җыены депутатлары тәкъдим иткән. Экспертлар хәзерге вакытта физик затлар өчен 5 мең, юридик затлар өчен 50 мең сум булган штраф күләме сатучыларны балигъ булмаганнарга тәмәке сатудан тыеп тормый, дип саный.

Штраф күләме арткан очракта законсыз сатулар саны кимер дип ышаналар.

Сәламәтлек саклау министрлыгында никотиннан бәйле кешеләрнең 90 проценты 18 яшькә җиткәнче тәмәке тарта башлаучылар дип белдерә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10