ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов: Дөнья тиз үзгәрә, бүген һәрвакыт укырга, яңалыкка омтылырга кирәк

24 октябрь 2018, 08:30 , Фото: tatarstan.ru

Рөстәм Миңнеханов: Дөнья тиз үзгәрә, бүген һәрвакыт укырга, яңалыкка омтылырга кирәк Татарстан Президенты яшь буынны инженер белгечлекләренә өйрәтергә кирәк дип саный.

(Казан, 24 октябрь, "Татар-информ"). Татарстан Республикасы Президенты Рөстәм Миңнеханов Халыкара технология симпозиумы кысаларында «Технологияләр һәм җәмгыять. Буыннар» панель сессиясендә чыгыш ясады. Бу хакта Татарстан Президенты матбугат хезмәте хәбәр итә.

Дискуссия барышында катнашучылар заманча белем һәм илебезгә бәйле белем бирү системасының үзенчәлекләре турында сөйләштеләр.

Рабочий визит в Соединенные Штаты Америки (Калифорния, Сан-Франциско) Президента Республики Татарстан Р.Н.Минниханова.

Татарстан Президенты яшь буынны инженер белгечлекләренә өйрәтергә, кирәкле күнекмәләр үзләштерергә кирәк, дигән фикерен белдерде. Шулай ук ул күп кенә яшүсмерләр үзләренең кем булачагын белми. Шуңа мәктәптә үк база белемне бирү зарур, дип билгеләп үтте.

"Дөнья тиз үзгәрә, һәм бүген һәрвакыт укырга, яңалыкка омтылырга кирәк, - дип китерә Рөстәм Миңнеханов сүзләрен матбугат хезмәте. - Балаларга яхшы база белеме бирергә кирәк. Алар җәмгыятьне үстерә алырдай булырга тиеш».

Рабочий визит в Соединенные Штаты Америки (Калифорния, Сан-Франциско) Президента Республики Татарстан Р.Н.Минниханова.

Республика Президенты белдергәнчә, хәзерге җәмгыятьтә һөнәрләр балансын саклап калу бик мөһим. Аның сүзләренә караганда, эшче һөнәрләр базарында берникадәр уңышсызлыклар бар, чөнки яшьләр югары белем алырга омтыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10