ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Кукмараның Иске Юмья авылында юл ачылды

23 октябрь 2018, 23:00 , Фото: kukmor-rt.ru/

Кукмараның Иске Юмья авылында юл ачылды 1,5 чакрым юл төзелеше 9 миллион сумнан артык акча тотылган.

(Кукмара, 23 октябрь, "Татар-информ", "Хезмәт даны", Ризилә Корбанова). Бүген Иске Юмья авылында истәлекле вакыйга - юл ачу тантанасы булды. Муниципаль юл фонды буенча авылның Үзәк урамына вак таш түшәлде, дип яза kukmor-rt.ru сайты.

Юлның озынлыгы 1,5 чакрымны тәшкил итә. Юл төзелеше өчен 9 миллион сум акча сарыф ителгән. Әлеге эшне "Татафтодор" җәмгыятенең "Кукмара" юл-төзелеш ремонт участогы башкарган.

"Без бу юлны түземсезлек белән көттек, чөнки аңа кадәр Үзәк урамыбыз бик начар иде, пычрак ерып йөрергә туры килде. Таш юл авыл башыннан алып, клуб янына хәтлек дәвам итә. Шулай ук ике җиргә торбалар да салынды. Билгеле, бу кадәр зур күләмле эшне үзара салым акчасына гына башкарып чыгып булмас иде. Безне юллы иткән өчен район җитәкчелегенә, юл-төзелеш оешмасы хезмәткәрләренә бик зур рәхмәт", - диде Оштырма Юмья авыл җирлеге башлыгы Анатолий Рамазанов.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10