ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Әлки районында 186 кеше “Татарча диктант” акциясендә катнашачак

23 октябрь 2018, 09:00

3-4 кенә хатасы булганнарга да “бишле” куячаклар.

(Әлки, 23 октябрь, "Татар-информ", "Әлки хәбәрләре", Люция Низамиева). 27 октябрьдә бөтен дөнья татарча диктант язачак. Әлеге акциягә әлкилеләр дә кушыла – бу көнне 186 кеше туган телендә диктант язарга ниятли. Бу хакта җирле басма хәбәр итә.

Диктант язу районның 10 мәктәбендә оештырыла. Анда теләге булган һәркем катнашып, белемен сынап карый алачак. Диктант өчен Гаяз Исхакыйның “Көз” һәм Абдулла Алишның “Нечкәбил” әсәрләре сайлап алынган. Текстта 260 тан артык сүз булачак. Нәтиҗәләр бер айдан игълан ителер, ди оештыручылар. “Өчле” һәм “дүртле” алганнарга катнашучы сертификаты бирелә. 3-4 кенә хатасы булганнарга да “бишле” куячаклар. “Икеле”ләр куелмый. Ә менә бөтенләй хатасыз язганнарны аерым чакырып хөрмәтләячәкләр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10