ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Спорт

"Сибирь" белән уенда Владислав Подъяпольский “Ак Барс” капкасына гол керттермәде

22 октябрь 2018, 18:49 , Фото: архив/Ильнар Тухбатов

Бүген “Ак Барс” хоккей командасы Новосибирск шәһәрендә узган матчта “Сибирь” командасын җиңде.

(Казан, 22 октябрь, “Татар-информ”, Гөлия Хәсбиуллина). “Ак Барс” хоккей командасы Новосибирск шәһәрендә “Сибирь” комадасын 0:1 исәбе белән җиңде. “Ак Барс”ның төп капкачысы Владислав Подъяпольский бер гол да керттермәде.

  • Владислав Подъяпольский 8 октябрьдә “Северсталь”гә каршы уенда, бер алка да керттермичә, командасына җиңәргә ярдәм иткән иде.

Беренче период. Унберенче минутта “Сибирь” командасы алка кертте, ләкин ул алка, видео кабатлауда күренгәнчә дөрес кертелмәгән булганга, исәпләнмәде. Беренче һәм икенче периодларда голлар булмады. 

Өченче период. Тугызынчы минутта, күпчелектә уйнаганда, Пол Постма бәрүеннән соң Роб Клинкхаммер “Ак Брас” командасы өчен алка кертте, шулай итеп исәп ачылды (0:1). Бу кертелгән алка “Ак Барс”ка җиңү китерде.

“Ак Барс” командасы тренеры Зиннәтулла Билалетдинов уенчыларга ял биреп торып, бозга чиратлап чыгара. Бүген Данис Зарипов чыкмады. Өч атнага якын бозда күренмәгән Фёдор Малыхин уенда катнашты.

Командалар составы:
"Сибирь": Тейлор (Красиков); Саюстов – Дугин – Пельтола, Логинов – Алексеев; Казаков – Комаров – Шаров, Морозов – Демидов; Яковлев – Романцев – Шашков, Наумов – Пиганович; Пешехонов – Бодров – Ткаченко, Игнатович – Савченко. 

"Ак Барс": Подъяпольский (Гарипов); Секач – Ландер – Азеведо, Юдин – Постма; Лукоянов – Малыхин – Потапов, Яруллин – Марков; Ткачев – Попов  – Галиев, Батыршин – Абросимов; Клинкхаммер – Бурмистров – Глухов (Кара).

  • “Ак Барс” 24 октябрьдә Кытайда “Куньлунь Ред Стар” командасына каршы уйный. Башлана 14.30 сәгатьтә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10