ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Икътисад

Казан мэриясе Шиһабетдин Мәрҗани һәйкәлен булдыруга 28,6 млн сум акча бирәчәк

22 октябрь 2018, 16:19 , Фото: архив/Рамиль Гали

Казан мэриясе Шиһабетдин Мәрҗани һәйкәлен булдыруга 28,6 млн сум акча бирәчәк
 
Бөек татар мәгърифәтчесе монументы ел ахырына кадәр Шиһабетдин Мәрҗани һәм Зәйни Солтан урамнары кисешкән урында урнаштырылачак.

(Казан, 22 октябрь, “Татар-информ”, Егор Никитин). Казанның Тышкы төзекләндерү комитеты бөек татар мәгърифәтчесе Шиһабетдин Мәрҗанига һәйкәл кую өчен 28,6 млн сумга тендер игълан итте. Тәкъдим ителгән акчага подрядчы һәйкәл ясап урнаштырырга тиеш. Тиешле белдерү дәүләт сатып алулары рәсми порталында урнаштырылган.

Белдерүнең техник биремендә бәйге җиңүчесе, монументны урнаштырудан тыш, аның тирә-ягын да төзекләндерергә тиешлеге күрсәтелгән.

Бөек татар мәгърифәтчесе монументы ел ахырына кадәр Шиһабетдин Мәрҗани һәм Зәйни Солтан урамнары кисешкән урында урнаштырылачак. Барлык эшләр дә быел 31 декабрьгә төгәлләнергә тиеш.

Шул ук вакытта, эш барышында, әлеге мәйданда җәяүлеләрнең куркынычсыз даими хәрәкәте тәэмин ителергә тиеш, диелгән таләпләрдә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10