ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Мәдәният

Татарстан галимнәре Төркиядә симпозиумда татар балалар әдәбияты турында сөйләде

22 октябрь 2018, 09:36

Ләйлә Минһаҗева һәм Әлфинур Нәҗипова V Халыкара балалар һәм яшүсмерләр әдәбияты симпозиумында чыгыш ясады.

(Истанбул, 22 октябрь, “Татар-информ”, Рушания Алтай). Казан Федераль университеты Татар әдәбияты һәм аны укыту методикасы кафедрасы галимнәре Ләйлә Минһаҗева һәм Әлфинур Нәҗипова Төркиядә үткән V Халыкара балалар һәм яшүсмерләр әдәбияты симпозиумында татар балалар әдәбияты турында сөйләде. Бу турыда әдәбият белгече, профессор Ләйлә Минһаҗева хәбәр итә.

Тәнкыйтьче Ләйлә Минһаҗева “Татар язулы әдәбиятының барлыкка килү һәм үсешендә балалар фольклорының роле” темасына чыгыш ясады. Әлфинур Нәҗипова “Нурихан Фәттах әсәрләрендә гореф-гадәтләрнең яшь нәселне тәрбияләүдәге роле” докладын укыды.

Төркия балалар һәм яшүсмерләр әдәбияты язучылары берлеге Истанбулда оештырылган симпозиумга Азәрбайҗан, Германия, Грузия, Венгрия, Иран, Македония, Пакистан, Казахстан, Кыргызстан, Кырым, Татарстан, Төркия, Үзбәкстаннан килгән әдипләр һәм әдәбият галимнәре катнашты.

Ике көн дәвам иткән чарада 67 доклад тыңланды.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10