ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Хәвеф-хәтәр

Казанда киеменә ут капканнан соң гәүдәсе пешкән яшүсмер хастаханәгә китерелгән

21 октябрь 2018, 12:58

14 яшьлек ир баланың киеменә ут кабу буенча җинаять эше полиция хезмәткәрләре һәм табиблар ярдәмендә тикшерелә.

(Казан, 21 октябрь, “Татар-информ”). Казанда Дубравная урамындагы йортларның берсендә киеменә ут төрткәннән соң гәүдәсе пешкән 14 яшьлек яшүсмер хастаханәгә китерелгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Дубравная урамындагы йортларның берсендә яшүсмернең өстендәге киеме януы турындагы хәбәр бердәм 112 ашыгыч хезмәте номерына кичә төнге уннар тирәсендә алынган. Урынга 7нче янгын-сүндерү часте, полицейскийлар, медицина хезмәткәрләре, янгын очрагын тикшерү хезмәткәрләре (дознавательләр) килгән.

Ундүрт яшьлек малайның әти-әнисе аның киеменә ут төртүләрен һәм баланың шунлыктан зыян күрүен әйткән. Утны үзлектән сүндергәннәр. Янгында аркасы, аяклары пешкән ир баланы Казан республика клиник хастаханәсенә озатканнар.

14 яшьлек ир баланың киеменә ут төртү буенча җинаять эше полиция хезмәткәрләре һәм табиблар ярдәмендә тикшерелә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10