ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Стэндфордта укыган Татарстан җитәкчеләренең белемнәрен тикшерәчәк

19 октябрь 2018, 19:00 , Фото: архив

Рөстәм Миңнеханов Стэндфордта укыган Татарстан җитәкчеләренең белемнәрен тикшерәчәк Татарстан Президенты 21-23 октябрьдә АКШка эшлекле сәфәр белән бара.

(Казан, 19 октябрь, «Татар-информ», Алексей Угаров). Татарстан Президенты Рөстәм Миңнеханов АКШка сәфәре вакытында Стэндфорд университетында Татарстаннан белем алырга килгән бизнес лидерлары һәм дәүләт идарәсе вәкилләре белән очрашачак. Курслар тәмамлангач, Президент алар эшләгән проектларны шәхсән үзе өйрәнәчәк. Бу турыда «Татар-информ» агентлыгына Казан Кремленең рәсми вәкиле Лилия Галимова хәбәр итте.

«Президент Стэндфорд университетында белем алырга килгән Татарстан бизнес һәм дәүләт идарәсе лидерлары белән очрашачак. Стажировкага инновацияләрнең алдынгы алымнарын, дәүләт идарәсендә иң яхшы дөньякүләм стандартларны өйрәнү кертелгән. Республика Президенты курсларны узгач, Татарстан Республикасы территориясендә гамәлгә ашыру өчен үз проектларын эшләү бурычы куелган. Рөстәм Миңнеханов бу стратегияләр презентациясен шәхсән үзе кабул итәчәк», – диде Лилия Галимова.

  • Республика Президентына Татарстан җитәкчеләре өчен Стэндфорд университетында уку программасы бер ел элек тәкъдим ителгән иде. Курсларга иң дәрәҗәле югары уку йортының 10 профессоры лекциясе кертелгән.
  • Татарстан Президенты 21-23 октябрьдә АКШка эшлекле сәфәр белән бара. Президентның эш сәфәре кысаларында Халыкара технология симпозиумында катнашу, шулай ук Американың эре компанияләре җитәкчеләре белән очрашулар планлаштырылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10