ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Быел Әгерҗе районыннан 33 егет хәрби хезмәткә алыначак

19 октябрь 2018, 23:00 , Фото: agryz-rt.ru/

Быел Әгерҗе районыннан 33 егет хәрби хезмәткә алыначак Әгерҗе егетләре өчен “Хәрби хезмәткә чакырылыш көне“ узды.

(Әгерҗе, 19 октябрь, “Татар-информ“, "Әгерҗе хәбәрләре", Миләүшә Ягъфәрова). Быел Әгерҗе районыннан 33 егет хәрби хезмәткә алыначак. Солдат каешы буарга әзерләнүче әлеге егетләр өчен бүген “Авангард“ Яшьләр үзәгендә “Хәрби хезмәткә чакырылыш көне“ узды. Бу турыда район газетасы хәбәр итә.

Язын-көзен армия сафларына алынучы егетләр өчен мондый бәйрәм уздыру районда күптәннән килгән матур традиция инде. Бу юлы да район башкарма комитеты җитәкчесе Андрей Авдеев, хәрби комиссар Илгиз Галиев, райондагы “Хәрби туганлык“ оешмасы җитәкчесе Рәшит Гарифуллин туган илне сакларга китүче егетләргә уңышлар теләделәр.

Бу якшәмбедә өйләрдә солдат ашларыүткәреләчәк. Әгерҗедән Данир Әхмәтзакиров, Ринат Шабаев, Байтуганнан Алексей Сайпышев, Кам.Ключтан Андрей Шуматов якшәмбе төнлә юлга кузгалачак. Аларны хәрби комиссариаттан тантаналы төстә озатачаклар. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10