ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Дин

Бүген Лаеш районында яңа мәчет ачыла

19 октябрь 2018, 07:15 , Фото: dumrt.ru

Бүген Лаеш районында яңа мәчет ачыла Дүрт катлы яңа мәчет манарасының биеклеге 40 метрга якын.

(Казан, 19 октябрь, "Татар-информ"). Бүген Лаеш районы Усад авылында “Ихлас” мәчетен ачу тантанасы була. Бу турыда Татарстан мөселманнарының Диния нәзарәте хәбәр итте.

Гыйбадәт йорты 250 кешегә исәпләнгән. Гомуми мәйданы 606 квадрат метр. Яңа мәчет чорма белән дүрт каттан тора. Манараның биеклеге 40 метрга якын. Мәчет халык һәм иганәчеләр ярдәме белән төзелгән.

"Усадта беренче һәм бердәнбер мәчет төзелеше 2016 елның октябрь башында башланды. Җирле мәхәллә мәчетне бер ел эчендә төзеп бетерде дип әйтергә мөмкин. Тагын бер ел эчендә аны матурлау эшләре алып барылды: мәчет әйләнәсе төзекләндерелде, койма куелды, цоколь каты балалар көрәше өчен секциягә җиһазландырылды, машина кую урыннары эшләнде, балалар мәйданчыгы, мини-футбол, волейбол һәм баскетбол уеннары өчен мәйданчык ясалды", диелгән әеге хәбәрдә.

Бу мәчет белән Лаеш районында 24 мәчет эшли башлаячак. 

Мәчетне ачуу тантанасында Татарстан мөфтие Камил хәзрәт Сәмигуллин, Лаеш муниципаль районы башлыгы Михаил Афанасьев, Лаеш районы имам-мөхтәсибе Рәфкать хәзрәт Гатауллинның катнашуы көтелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10