ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Татар дөньясы

“Татарча диктант”ны дөнья күләмендә әйтеп яздыручының исеме әлегә сер булып кала

18 октябрь 2018, 16:29 , Фото: архив/Рамиль Гали

“Татарча диктант”ны дөнья күләмендә әйтеп яздыручының исеме әлегә сер булып кала Гадәттә, ул я диктор, я театр актеры була, диде Тәбрис Яруллин.

(Казан, 18 октябрь, “Татар-информ”, Чулпан Шакирова). Дөньякүләм “Татарча диктант”ны кем әйтеп яздырачагын оештыручылар әлегә сер итеп саклый. Бөтендөнья татар конгрессы җитәкчесе урынбасары, Бөтендөнья татар яшьләре форумы рәисе Тәбрис Яруллин журналистларга “укытучы”ның исемен диктант көне алдыннан гына хәбәр итәчәген әйтте.

“Без шундый теләк белдердек, текстны укучы бөтен дөньяга танылган кеше булырга тиеш. Аны авылда да, шәһәрдә дә, язучылар, укытучылар, интеллигенция вәкилләре танырлык булсын. Икенче яктан, кеше күз алдындагы, танылган кеше әле ул тексны дөрес, аңлаешлы һәм яхшы укый дигән сүз түгел. Минем үземнең дә Казан технология университетында диктант тексты укыганым бар. Бик авыр эш икән ул, матбугат конференциясенә килеп кенә сөйләшеп утыру түгел. Шуңа күрә диктант текстын укучының сөйләме дә, интонациясе дә төзек, аңлаешлы булсын иде дип тырышабыз. Гадәттә, ул я диктор, я театр актеры була”, - диде Тәбрис Яруллин.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10