ҺАВА ТОРЫШЫ 0 oC

Яңалыклар

барлык хәбәрләр Татарстан Россия
×

Татар дөньясы

Татар теленең барлык кагыйдәләре тупланган сайт ачылачак

18 октябрь 2018, 15:42 , Фото: архив/Ильнар Тухбатов

Татар теленең барлык кагыйдәләре тупланган сайт ачылачак Бүген пунктуация өлеше әзер, орфография өлешен баету белән шөгыльләнәбез, диде проект җитәкчесе Илдар Әюпов.

(Казан, 18 октябрь, “Татар-информ”, Чулпан Шакирова). 26 октябрьдә татар теленең барлык кагыйдәләре бер урында тупланган махсус сайт ачылачак. Бу хакта бүген матбугат конференциясендә билгеле булды.

“Без видеолар, сайтлар ясау белән шөгыльләнәбез. Инде берничә ел телгә, татар фәненә караган берничә проект булдыру юнәлешендә дә эшләдек, - диде “Теория” студиясе җитәкчесе Илдар Әюпов. – Минем үземә дә, текст язганда аңлашылмаучанлыклар, “Бу хатамы-юкмы?” дигән икеләнүләр килеп чыкса, еш кына укытучыларга, филологларга мөрәҗәгать итәргә туры килде. Тиз һәм җайлы гына кагыйдәләрне карап ала торган ниндидер бер ресурс кирәк иде. Анда орфография һәм пунктуация кагыйдәләре тупланган булырга тиеш. Кызганычка, андый ресурс юк. 1964-65 елларда кабул ителгән документ бар, әмма ул искергән һәм кулланып булмый. Хәзерге вакытта төрле авторларның орфография һәм пунктуация кагыйдәләре буенча язган хезмәтләре таралып ята, бер урында тупланмаган. Менә шуңа күрә без аны җыярга булдык. Университет галимәсе Эльвира Динмөхәммәтова ярдәмендә әлеге кагыйдәләрне тупладык. Аларның барысы да Дөрес.татар сайтында булачак”, - диде Илдар Әюпов.

“Барлык кагыйдәләр тупланган әлеге сайтның эзләү системасы да бик җайлы. Әйтик, эзләү юлында “сызык” дип язасыз икән, сызык куела торган очракның барлык кагыйдәләре килеп чыга.
Бүген сайтның пунктуация өлеше әзер, орфография өлешен баету белән мәшгульбез,” – диде “Теория” студиясе җитәкчесе Илдар Әюпов.

  • Дөньякүләм "Татарча диктант" чарасы 27 октябрь көнне була. Башлана 13.00 сәгатьтә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10