ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Татар дөньясы

“Татарча диктант” чарасын оештыручылар еш очрый торган хаталарны атады

18 октябрь 2018, 15:11 , Фото: Султан Исхаков

“Татарча диктант” чарасын оештыручылар еш очрый торган хаталарны атады Кайбер хәрефләр һәм парлы сүзләр язылышына, аерымланган хәлләргә игътибар итәргә кирәк, ди Гөлназ Мөгътәсимова.

(Казан, 18 октябрь, “Татар-информ”, Чулпан Шакирова). “Татарча диктант”ны язганда еш очрый торган хаталар билгеле. Бу хакта бүген әлеге акцияне уздыруга багышланган матбугат очрашуында КФУ доценты Гөлназ Мөгътәсимова әйтте.

“Узган елгы тәҗрибәләрдән чыгып, шуны әйтә алабыз. “О”, “ө”, “ү”, “э” хәрефләренең язылышына игътибар итсәләр яхшы булыр иде. Кайбер парлы сүзләрдә еш кына хаталар китә. Тыныш билгеләре куелышында һәрвакыт аерымланган хәлләр кыенлык тудыра”, - диде галимә.

Гөлназ Мөгътәсимова диктант текстының укылыш үзенчәлекләренә дә тукталып үтте. “Текст язарга берәүне дә мәҗбүри китермиләр. Бу – шатлыклы вакыйга, үзеңне сынап карау гына. Бишлегә язсалар, әлбәттә, шатланабыз, икеле куелмый.  Иң элек текст тулысынча, аннары җөмләләп укыла. Өченче тапкыр, сүзтезмә һәм сүзләп әйтелгәч кенә язарга керешәләр", - диде доцент.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10