ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Хәвеф-хәтәр

Чаллы кешесен тугыз колбаса урлаган өчен колониягә җибәрделәр

17 октябрь 2018, 18:12

Беренчел тикшерүләр вакытында ир-ат үз гаебен танымаган һәм сөйләүдән баш тарткан.

(Чаллы, 17 октябрь, «Татар-информ», Эльвира Мөхәмәтдинова). Чаллыда суд тугыз колбаса урлаган ир-атны колониягә җибәрде. Бу хакта шәһәр суды хәбәр итә.

Бу хәл ЗЯБ бистәсенең 15нче комплексында булган. Спорт костюмы кигән ир-ат кибеткә кергән, суыткычтан тугыз колбаса алган, аларны куртка эченә яшергән һәм чыгу юлына юнәлгән. Кибет директоры һәм сатучы аның артыннан йөгергән, кибет ишегеннән чыкканда каракны тотканнар һәм товарны тартып алганнар.

Табышсыз калган ир-ат качарга булган. Әмма аны кибет янында сак предприятиесе хезмәткәрләре тоткарлаган.

Беренчел тикшерүләр вакытында ир-ат үз гаебен танымаган һәм сөйләүдән баш тарткан. Суд колбаса урлаучының гаебе исбатланган дип исәпләгән һәм аны бер елга гомуми режимлы колониягә җибәргән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10