ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Авыл

Авыл хуҗалыгы хезмәткәрләре өчен “Һөнәре буенча иң яхшы” бәйгесенә гаризалар кабул ителә

17 октябрь 2018, 12:31

Призлы урыннар өчен 10, 8, 6 мең сум күләмендә сертификат бирәләр.

(Казан, 17 октябь, "Татар-информ"). Татарстан  агоросәнәгать комплексының яшь хезмәткәрләре арасында “Һөнәре буенча иң яхшы” һөнәри осталык конкурсына гаризалар кабул ителә. Бу турыда Авыл хуҗалыгы министрлыгы матбугат хезмәте хәбәр итте. 

26 - 27 октябрьдә  “Татарстан Республикасының аграр яшьләр берләшмәсе” ТИА, Татарстан Републикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы белән берлектә, Татарстан Республикасы АПКсының яшь хезмәткәрләре арасында “Һөнәре буенча иң яхшы” һөнәри осталык конкурсын үткәрә. Чара “2014-2020 елларга Татарстан Республикасы авыл яшьләре” ярдәмче программасын гамәлгә ашыру кысаларында оештырыла.

Бәйге иң яхшы хезмәткәрләрне ачыклау, аларга ярдәм итү һәм һөнәри осталыгын арттыру, авыл хуҗалыгы хезмәткәрләренең абруен күтәрү максатында уздырыла. Чарад республика авыл хуҗалыгы тармагының югары яки урта һөнәри белеме һәм эш стажлары түбәндәгечә булган 18 яшьтән 35 яшькә кадәрге хезмәткәрләре катнаша ала: инженер-механик, зоотехник-мехнизатор, механизатор», машина белән сыер саву операторы, терлекче-бозау караучы һөнәре буенча стажы кимендә 1 ел; ветеринария табибы, агроном һөнәре буенча стажы кимендә 3 ел; бухгалтер-икътисадчы һөнәре буенча стажы 5 ел.

Конкурс ике этапта уздырыла - теоретик белемнәрне тикшерү һәм практик эш. «Иң яхшы инженер-механик»; «Иң яхшы агроном»; «Иң яхшы бухгалтер-икътисадчы»; «Иң яхшы механизатор»; «Иң яхшы ветеринария табибы»; «Машина белән сыер савучы иң яхшы оператор»; «Иң яхшы зоотехник»; «Иң яхшы терлекче-бозау караучы» номинацияләрендә җиңүчеләр билгеләнәчәк.

Быелгы конкурста яңа номинация – Терлекләр ишәйтү технологы (эре мөгезле терлекләрне ясалма орлыкландыру операторы) кертелә.

Конкурста җиңүчеләр һәр номинация буенча катнашучы дипломнары һәм һәм 1,2,3 урыннар өчен 10, 8, 6 мең сум күләмендәге сертификатлар белән бүләкләнәчәк (1 нче урыннарны алучылар шулай ук чит илгә һөнәри стажировкага бару мөмкинлеге алачак). Призлы урыннарны алмаган катнашучыларга конкурста катнашу турында диплом һәм кызыксындыру призы – 2000 сум акча биреләчәк.

Узган еллардагы конкурсларда җиңеп, Германиягә халыкара стажировка отучылар конкурста кабат катнаша алмыйлар. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10