ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Хәвеф-хәтәр

Түбән Кама районында янгында 81 яшьлек әби үлгән

17 октябрь 2018, 12:04

Шәңгәлче авылында бер катлы кирпеч йортта янгын чыккан.

(Казан, 17 октябрь, “Татар-информ”). Түбән Кама районының Шәңгәлче авылында чыккан янгында өлкән яшьтәге хатын-кыз һәлак булган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Фаҗига кичә кич Мәктәп урамындагы бер катлы кирпеч йортта чыккан. Янгын сүндерергә беренче булып авылдагы янгын сүндерү командасы килгән. Күршеләр янгын чыккан йортта кешеләр булу ихтималын әйткән. Янгын коридорның ике квадрат метр мәйданында булган. Шундагы комод януы ачыкланган. Ут өйне ялмап алу куркынычы булган.

Янгын сүндерүчеләр 81 яшьлек әбинең мәетен табып алган. Беренчел мәгълүматлар буенча, янгын ут белән сак эш итмәүдән килеп чыккан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10