ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Төзекләндерүдән соң М7 трассасында Казаннан Чаллыга кадәр булган юлның өч өлеше ачылды

17 октябрь 2018, 11:40 , Фото: архив, instagram.com/rusminnikhanov/

Төзекләндерүдән соң М7 трассасында Казаннан Чаллыга кадәр булган юлның өч өлеше ачылды
  
Төзекләндерү эшләре 2014 елның маенда башланып, 2018 елның октябрендә төгәлләнде.

(Балык Бистәсе районы, 17 октябрь, “Татар-информ”, Надежда Гордеева). Татарстанда реконструкциядән соң “Волга” М7 трассасында Казаннан Чаллыга кадәр булган юлның өч өлеше файдалануга тапшырылды. Тапшырылган юлның гомуми озынлыгы 31чакрым. Төзекләндерү эшләре Балык Бистәсе районындагы 856нчы чакрымнан 868гә, 868нче чакрымнан 878нчегә һәм 878нче чакрымнан 888нче чакрымга кадәр башкарылды.

Гомуми озынлыгы 31чакрым булган файдалануга тапшырылган юлны ачу тантанасы Балык Бистәсе районында узды.

Объектларның смета бәясе 7,7 млрд сум исәпләнә. Юлларны ачылыш тантанасында Россия Президенты ярдәмчесе Игорь Левитин юлның мөһимлеге Татарстан өчен генә түгеллеген әйтте. “Биредән республика аша транзит йөкләр ташыячаклар”, - диде Левитин.

Юл хезмәткәрләренә ул эшсез калмаячаксыз, диде. “Республика Президенты тарафыннан 2024 елга кадәр транспорт инфраструктурасы үсеше буенча программа расланды. Проектларның берсе – Казан-Мәскәү югары тизлекле юлын төзү. Сезгә эш күп булачак”, - дип әйтте Россия Президенты ярдәмчесе.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10